Liverpool ចាប់អារម្មណ៏ក្នុងការនាំយកខ្សែប្រយុទ្ធមុតស្រួចសញ្ជាតិអាហ្សង់ទីន Paulo Dybala​ របស់សេះបង្កង់ Juventus នារដូវក្តៅខាងមុខនេះ ។ Paulo Dybala ខ្សែប្រយុទ្ធដ៏មានទេព្យកោសល្យសញ្ជាតិអាហ្សង់ទីន ហាក់ដូចជាបង្ហាញជំហរចង់ចាកចេញពីទឹកដីទួរីនប្រទេសអ៊ីតាលី ក្រោយបដិសេធមិនបន្តកុងត្រាជាមួយ Juventus ខណៈកុងត្រារបស់គេនិងអស់សុពលភាពនារដូវក្តៅខាងមុខ ។​

Liverpool បានព្យាយាមទាក់ទងទៅក្លឹប Juventus ក្នុងការធ្វើកិច្ចកុងត្រានាំយកខ្សែប្រយុទ្ធអាហ្សង់ទីនមកកាន់ទឹកដី Anfield ខណៈពេលនេះខ្សែប្រយុទ្ធជួរមុខរបស់ Liverpool ពីររូប គឺ​ Mo Salah និង Sadio Mane កំពុងជាប់បេសកកម្មក្នុងពានរង្វាន់ Africa Cup Of Nations ។

គួរបញ្ជាក់ថាមានក្លឹបធំៗ​ ជាច្រើនក៏បានចាប់អារម្មណ៏ខ្សែប្រយុទ្ធសញ្ជាតិអាហ្សង់ទីនរូបនេះដែរដូចជា Manchester United, Barcelona 
និង Tottenham ៕