Gareth Bale ខ្សែប្រយុទ្ធសញ្ជាតិវែលស៍របស់ក្លឹបអធិរាជស  Real Madrid  បានព្រមព្រៀងផ្ទេរទៅចូលរួមក្លិប Los Angeles FC នៃក្របខណ្ឌកំពូលអាមេរិក MLS ដោយគ្មានតម្លៃខ្លួន។

Bale បានចំណាយពេល ៩ឆ្នាំ នៅ Real Madrid និងបានជួយពួកគេឈ្នះពានជាច្រើនផងដែរ។ គួរបញ្ជាក់ថា Bale អាចនឹងបញ្ចប់អាជីពរបាល់ទាត់របស់ខ្លួន ប្រសិនបើក្រុមជម្រើសជាតិវែលស៍មិនអាចឆ្លងផុតវគ្គជម្រុះ World Cup 2022។ ប៉ុន្ដែបន្ទាប់ពីជួយឱ្យក្រុមនេះ ទទួលបានកៅអី World Cup ដោយយកឈ្នះអ៊ុយក្រែន ក្នុងវគ្គផ្ដាច់ព្រ័ត្រ playoff គម្រោងរបស់ Bale ត្រូវបានផ្លាស់ប្ដូរដោយ គេត្រូវការលេងនៅក្នុងការប្រកួត ដើម្បីរក្សាកាយសម្បទាត្រៀមលេង World Cup៕ 

ប្រភព ៖ BBC Sport