ក្រុមអ្នកមានបុណ្យ FC Barcelona កំពុង​មាន​ភាពមមាញឹក​ក្នុង​ការបន្ដ​កិច្ចសន្យា​ថ្មី​សម្រាប់​ខ្សែបម្រើ​ឆ្នើម​វ័យ​ក្មេង Gavi ។ បញ្ហាធំមួយដែលរាំងស្ទះក្នុងការបន្តកុងត្រាថ្មីនោះគឺ  Barcelona ចាត់ទុក Gavi ជា​កីឡាករ​ដែលកំពុង​អភិវឌ្ឍ​សមត្ថភាព និង​ធ្វើ​ឱ្យ​មានភាពប្រសើរឡើង ខណៈកី​ឡាករ និង​អ្នកតំណាង​របស់គេវិញ គិតថា ​គេឈាន​ដល់កម្រិត​ជាក់លាក់មួយ​ហើយ ដែល​សមនឹង​ទទួលបានថ្លៃ​ឈ្នួលតាមសមត្ថភាពដែលគេអាចធ្វើបាន។

គួរបញ្ជាក់ថាសមត្ថភាព​នៅលើទីលាន​របស់ Gavi ត្រូវបានបង្ហាញរួចមកហើយ នៅក្នុងក្រុមជម្រើសជាតិអេស្ប៉ាញ ក្នុងការប្រកួត Nations League ដោយគេទទួលបានឱកាសលេងក្នុងជម្រើសដំបូងទាំងពីរប្រកួត ហើយជាកីឡាករឆ្នើមប្រចាំក្រុមផងដែរ៕

ប្រភព ៖ BBC Sport