លោក Darren Bent អតីតខ្សែប្រយុទ្ធជើងចាស់អង់គ្លេសបានប្រាប់អោយ Newcastle United ចុះហត្ថលេខាលើតារាឆ្នើមរបស់ក្រុមអធិរាជស Real Madrid នៅរដូវក្តៅខាងមុខ ។

សម្រាប់ខ្សែប្រយុទ្ធដែល Bent ចង់អោយទិញនោះគឺ Gareth Bale ដែលគេបានបង្ហាញទម្រង់លេងដ៏អស្ចារ្យអោយក្រុមជម្រើស ជាតិវេលស៍ ក្នុងការប្រកួតវគ្គជម្រុះ FIFA World Cup ឆ្នាំ ២០២២ នេះ ដោយបាន ២ គ្រាប់ម្នាក់ឯង ក្នុងជ័យជម្នះដោយលទ្ធផល ២-១ ទៅលើក្រុមអូទ្រីស ។

គួរឱ្យដឹងផងដែរថា Bale នឹងក្លាយទៅជាកីឡាករគ្មានតម្លៃខ្លួននៅរដូវក្តៅខាងមុខនេះ ស្របពេលដែលកុងត្រារបស់គេជាមួយ Real Madrid ត្រូវផុតកំណត់ ហើយវាហាក់ដូចជាមិនមានការពិភាក្សាក្នុងការបន្តកុងត្រាថ្មីទៀតនោះឡើយ ៕

ប្រភព ៖ Sky Sports