Roman Abramovich មហាសេដ្ឋីជនជាតិរុស្ស៊ីដែលជាម្ចាស់ក្លឹបតោខៀវ​ Chelsea អាចប្រឈមនិងការបាត់បង់ក្លឹប បើសិនជាមិនលក់ក្លឹបទៅអោយអ្នកផ្សេង ។ បន្ទាប់ពីមានរឿងចម្រូងចម្រាស់រវាងរុស្ស៊ី​ និងអ៊ុយក្រែន​ រដ្ឋាភិបាលអង់គ្លេសបានចេញច្បាប់​​ហាម​មិន​ឱ្យ​ជនជាតិ​រុស្ស៊ី​ ជា​ពិសេស​អ្នក​ស្និទ្ធ​ជាមួយ​ប្រធានាធិបតីរុស្ស៊ី លោក ពូទីន គ្រប់គ្រង​ក្លឹប​បាល់ទាត់​នៅ​អង់គ្លេស​ទេ។ 

ដោយ​តាម​គម្រោង គេ​ចង់​ដក​ហូត​យក​វិញ​ទាំង​អស់​ផង ។ ហេតុនេះហើយបានជា  Abramovich ប្រកាស​សម្រេច​ចិត្ត​​ចុះ​ចេញ​ពី​តំណែង​គ្រប់គ្រង​ក្លឹប Chelsea ។ ទោះជាយ៉ាងណា​ ​លោក Abramovich ​មិន​មាន​ជម្រើស​អ្វី​ក្រៅ​ពី​លក់​ក្លឹប​មុន​គេ​ដក​ហូត​ទទេ​ឡើយ។

តាម​ការ​ប៉ាន់ស្មាន ​តម្លៃ​ក្លឹប Chelsea ​នៅ​ពេល​នេះ ​មាន​រហូត​ដល់​១,៥​ពាន់​លាន​ផោន​ឯ​ណោះ។ ស្រប​ពេល​លោក Abramovich ​ទិញ​កាល​ពី​ឆ្នាំ​២០០៣ ​តម្លៃ​ត្រឹម​១៤០​លាន​ផោន​ប៉ុណ្ណោះ៕