ក្លឹបមាន់ខ្នាយមាស Tottenham Hotspur បានភ្លាត់ចាញ់ក្រុម Middlesbrough ដោយលទ្ធផល ១-០​ កាលពីយប់មិញ ។ លទ្ធផលចាញ់កាលពីយប់មិញធ្វើអោយក្រុម Tottenham ធ្លាក់ចេញពីពានរង្វាន់ FA Cup ។

គួរបញ្ជាក់ថាវត្តមានរបស់អ្នកចាត់ការទូទៅ Antonio Conte ជាក្តីសង្ឃឹមក្នុងការឈ្នះពាន បន្ទាប់ពីខកខានអស់រយះពេល១៤ ឆ្នាំ ប៉ុន្តែបន្ទាប់ពីការបរាជ័យកាលពីយប់មិញ ធ្វើអោយក្រុមមាន់ខ្នាយមាសត្រូវចាំមួយរដូវកាលទៀត ។

ខ្សែប្រយុទ្ធវ័យ​ ១៩ឆ្នាំ Josh Coburn របស់ Middlesbrough  ស៊ុតបញ្ចូលទីនៅម៉ោងបន្ថែមនាទី ១០៧ ដែលជាគ្រាប់បាល់ជ័យជំនះ ។ គួរបញ្ជាក់ថាជ័យជំនះរបស់​ Middlesbrough កាលពីយប់មិញ គឺជាការឈ្នះ ៨ដងជាប់ៗគ្នា របស់គេ ៕

ប្រភព : BBC Sports