ក្លឹបបិសាចក្រហម Manchester United កំពុងតែសម្លឹងឃើញការផ្ទេរដោយគ្មានតម្លៃខ្លួន របស់កីឡការករឆ្នើមក្រុមតោខៀវ Chelsea 
ដើម្បីមកជំនួសតំណែងរបស់ Harry Maguire ។

សម្រាប់កីឡាករដែល Manutd កំពុងតាមឃ្លាំមើលនោះគឺកីឡាករ Antonio Rudiger នៅតែស្ថិតក្នុងភាពមិនច្បាស់លាស់ ចំពេលកិច្ចសន្យាបច្ចុប្បន្នរបស់គេនៅកីឡដ្ឋាន Stamford Bridge និងត្រូវផុតកំណត់នារដូវក្តៅខាងមុខ ។

គួរបញ្ជាក់ថាមានក្លឹបជាច្រើនកំពុងតាមដានរូបគេដូចជា​ Real Madrid និង Paris Saint-Germain សុទ្ធសឹងតែកំពុងមានទំនាក់ទំនង ។ បើយោងតាមសារព័ត៍មាន The Mirror បញ្ជាក់ថា ក្លឹប Manchester United ហាក់ដូចជាកំពុងដាក់គោលដៅធំទៅលើ Rudiger ដែលគេបានបង្ហាញខ្លួន ២៤ ប្រកួតរួចមកហើយ ក្នុងចំណោម ២៥ ប្រកួត នៅ Premier League សម្រាប់ Chelsea នៅរដូវកាលនេះ។

ប្រភព : The Mirror