Arsenal កំពុងឃ្លាំមើលខ្សែប្រយុទ្ធ Armando Broja សញ្ជាតិ Albanian ពីក្លឹប Southampton នាទីផ្សារដោះដូរកីឡាករខាងមុខ ។ ក្រុមកាំភ្លើងធំហាក់ខកខានឱកាសក្នុងការនាំយកកីឡាករចំណូលថ្មីមកចូលរួមក្រុមក្នុងកំឡុងទីផ្សារដោះដូរកីឡាករកាលពីខែមករា​កន្លងទៅ ។ 

គួរបញ្ជាក់ថា ខ្សែប្រយុទ្ធវ័យក្មេងរូបនេះគឺជាកីឡាកររបស់តោខៀវ Chelsea ដែលបានដាក់អោយខ្ចីជើង​នៅក្លឹប Southampton ។ រូបគេ​បានបង្ហាញទម្រង់លេងគួរអោយកត់សម្គាល់ ដោយស៊ុតបញ្ចូលទីបាន​ ៧គ្រាប់ក្នុងគ្រប់ព្រឹត្តិការណ៍ទាំងអស់ សូម្បីតែអ្នកចាត់ការទូទៅរបស់ Arsenal លោក Mikel Arteta ក៏កោតសសើរនិងទម្រង់លេងរបស់គេដែរ ។

 Arteta រំពឹងថានិងអាចនាំរូបគេមកចូលរួមក្រុមនារដូវក្តៅខាងមុខ ដើម្បីពង្រឹងប្រព័ន្ធប្រយុទ្ធបន្ថែមទៀត ៕ 

ប្រភព : Football London